Баримтлах зарчим

Манай компанийн бизнесийн чиглэл, үйл ажиллагааны цар хүрээ нь хувь хүн, компани цаашлаад улс эх орны эдийн засагт хувь нэмэр оруулж байгаагаар хязгаарлагдахгүй. Манай компанийн хувьд боловсрол, эрүүл мэнд, урлаг соёлын салбарыг дэмжин ажиллаж, дэлхийд тэргүүлэгч компаниудыг Монголын зах зээлд төлөөлөн ажиллахын зэрэгцээ 140 гаруй ажилтантайгаар нийт хэрэглэгч, үйлчлүүлэгч, хамтран ажиллагч байгууллагуудынхаа өдрөөс өдөрт нэмэгдэж байгаа эрэлт хэрэгцээг хангахын төлөө ажиллаж байна.

Манай компанийн эрхэм зорилго болох чанартай бүтээгдэхүүн, шуурхай үйлчилгээ үзүүлж, харилцагч, үйлчлүүлэгчдийнхээ итгэлийг даасан, нийгмийн хариуцлагатай компани байхыг эрмэлзэн ашиг орлогынхоо тодорхой хэсгийг хэрэглэгч, үйлчлүүлэгч, нийгмийн сайн сайхны төлөө боловсрол, соёл урлагийн болон бусад салбарын хөгжилд нэмэр болохуйц үйл ажиллагаа, төсөл хөтөлбөрүүдийг хэрэгжүүлэн, дэмжин ажилладаг.

Бидний оролцоо

“Монголиан Стар Дистрибюшин” ХХК Хүчирхийллийн Эсрэг Үндэсний төвд удаан хугацааны тусламж үзүүлэхээр боллоо

"Монголиан Стар Дистрибюшин” ХХК нь Монгол хүний эрүүл мэнд, сайн сайхныг дэмжих үйлсэд хувь нэмэр оруулах тэргүүн зорилгын дор өргөн хэрэглээний барааны борлуулалтын салбарт дэлхийн брэнд бүтээгдэхүүнийг хэрэглэгч олондоо хүргэн, 18 жилийн турш тасралтгүй үйл ажиллагаа явуулж байна.

Дэлгэрэнгүй

“HAPPY MOM” ХӨТӨЛБӨР

“Mонголиан Стар Дистрибюшин” ХХК нь Улаанбаатар хотын 1, 2, 3-р Амаржих газар, ЭХНМҮТ, “Гурван Гал” эмнэлэгүүд болон Эрдэнэт, Дархан хотуудын Амаржих газар мэндэлсэн бяцхан үрсдээ өдөр бүр Huggies живхний дээжээр бэлэг барьдаг ба Амаржих газруудын асаргаа сувилгаанд зориулан мөн Huggies брэндийн хүүхдийн живхийг бэлэглэдэг. “Happy Mom ” хөтөлбөрийн хүрээнд 2014 онд өнөөг хүртэл нийт 16800 нярай болон ээж нарт бэлэг өгсөн байна.

Дэлгэрэнгүй

ЖИРЭМСЭН ЭХЧҮҮДИЙН СУРГАЛТ

“Mонголиан Стар Дистрибюшин” ХХК нь Дүүргийн нэгдсэн эмнэлэгүүдийн нярайн асуудал, сургалт хариуцсан эмч нартай хамтран Жирэмсэн эхчүүдэд “Нярайг асрах зөвөлгөө”-г цуврал хичээлээр зохион явуулж байна. 2014 онд СХД-ийн нэгдсэн эмнэлгийн нийт 315 жирэмсэн ээж, БГД-ийн нэгдсэн эмнэлгийн нийт 223 ээж, СБД-ийн 1-р төрөх эмнэлгийн 159 жирэмсэн эхчүүд сургалтанд хамрагдсан байна.

Дэлгэрэнгүй

“ОХИДЫН ЭРҮҮЛ АХУЙ” СЭДЭВТ СУРГАЛТ

Өсвөр насны охидод эрүүл мэндийн боловсрол олгох хөтөлбөрийг “Mонголиан Стар Дистрибюшин” ХХК нь дүүргийн нэгдсэн эмнэлгийн охидын эмч, сургуулийн үзлэгийн эмч нартай хамтран зохион байгуулсаар ирсэн билээ. 2013-2014 оны хичээлийн жилд СХД, БГД, ХУД, БЗД-ийн нийт 8000 гаруй охидыг хамруулжээ. Сургалтын үйл ажиллагаа нь “Чамд амжилт хүсье” өдөрлөгөөр амжилттай хаалтаа хийсэн байна.

Дэлгэрэнгүй

ЖИРЭМСЭН ЭХЧҮҮДИЙН СУВИЛАХУЙН СУРГАЛТЫН ӨРӨӨНИЙ ТОХИЖИЛТ

2014 он эх хүүхдийг дэмжих жил болсонтой холбогдуулан Клиникийн 1-р Амаржих газрын Жирэмсэн эхчүүдийн сувилахуйн сургалтын өрөөг тохижуулсан.

Дэлгэрэнгүй

ТӨРӨХ ЭМНЭЛЭГ, НЭГДСЭН ЭМНЭЛГҮҮДЭД ХҮҮХДИЙГ ХУУРАЙЛАХ ОР БЭЛЭГЛЭЛЭЭ

“Монголиан Стар Дистрибюшин” ХХК нь Эх хүүхдийг дэмжих жилийн хүрээнд Дүүргийн төрөх эмнэлэг, нэгдсэн эмнэлэгүүдээр нярайг хуурайлах орыг дөнгөж төрсөн бяцхан үрсдээ зориулан бэлэглэсэн байна.

Дэлгэрэнгүй

САЙН ҮЙЛС БҮХЭН ДЭЛГЭРЭХ БОЛТУГАЙ

Манай компани “Sweet Kitchen” группээс санаачлан зохион байгуулсан Сайн үйлсийн аянд нэгдэж Хөвсгөл аймгийн иргэн Ө.Ундармаад бүтээгдэхүүнийхээ гарын бэлгийг бэлэглэлээ. Ө.Ундармаа нь 27 насандаа 6 хүүхдийн ээж болсон байна. Сайн үйлс бүхэн дэлгэрэх болтугай!

Дэлгэрэнгүй

Contact Seller